ارحمووووونا يادكاترة الجامعات

[الريــــــــــم]

السلام عليكم ولرحمه الله وبركاته
في البدايه انا عضوة جديده في منتداكم وبما اني بعد ترم راح اتخرج فاحسيت انه من واجبي المهني اني اكون عضوة معاكم في هذا المنتدى الرائع

واتنمى اني اكون عضوة فعاله في هذ المنتدى ولا اكون انسانه غثيثه وثقيله دم :D

خلونا ندخل بصلب الموضوع انا وبصراحه مبسوطه جدا جدا بقسمي وهو الخدمه الاجتماعيه
وماشيه فيه كويس لكن في السنه هذي الاخيره بدت حالتي النفسيه تسوووووء من الدراسه وصرت ماني طايقتها يمكن صابني الملل :confused:

تدرون ليش؟؟؟


باختصار من اساتذتنا!!! :(

انا ماعيب عليه يشهد الله انهم قمه في الذوق والاخلاق وفوق هذا مستواهم التعليمي العااااااالي طبعا مو انا اللي اقيمهم لكن هذي شهادني فيهم بحق

لكن اللي مضايقني ومصايق بنات القسم معي كثرة طلباتهم والواجبات ادري انه هذا مهم وانه احنا ملزمين بيها

لكن ارحموا من في الارض يرحمكم من في السماء
صح؟؟

كل دكتور يكلفنا بواجبات وكانه هو الدكتور الوحيد اللي ندرسله
وكان مادته فقط اللي ملزمين فيها ونسى الدكتور الفاضل انه لكل طالبه اقل شي 6 مواد غير مادته فاتخيلوا مستحيل يمر اسبوع نرتاح فيه

لدرجه انه كرهنا الدراسه لا وعلى اخر سنه

المصيبه فوق هذا كله هناك بعض انا قلت بعض والاقليه بعد اللي يعاملنا باسلوب دكتاتوري بشكل فضيع وانه احنا مالنا اي كلمه اعتراض او ابداء اي رأي مهما كان والله ماظلمهم بس هذي الحقيقه
احيانا نقول كيف هم يكونون اخصائيين اجتماعيين وهم يتعاملون معنا بهذا الاسلوب

الصراحه هم مو مقصرين علينا بأي شي وشرحم جدا راااااااااائع في المحاضرات

لكن احنا بشر ونحتاج احد يحس فينا

واذا تاخرنا عن المحاضره او بعد التحضير نعتبر غياب ليش باي حق ليش هذا الدكتور او الدكتوره ماتراعي ضروف الطالبات وانه ماتتاخر عن المحاضره الا بشي اكيد خارج عن ارادتها
هم يفكرون انه السياره تكون خاصه فينا
لا طبعا بكل بيت فيه اكثر من شخص لهم اعمال ودوامات زيي واهم مني بعد

لاكن لاحياه لمن تنااااااااااادي

انا طولت عليكم لكن قولولي وش رايكم بالموضوع وانا والله العظيم ماظلمتهم وهذا اللي حاصل

واخيرا
ارحموووووووووووووووونا؛؛؛؛؛

.......................................... :( :(

[مريم الأشقر]

حياك الله أختي

o.O ( ..^ الــــريــــــــم ^.. ) O.o°¨

حللت أهلاً .. ووطئت سهلاً ..
ياهلا بك بين اخوانك وأخواتك ..
ان شاء الله تستمتعي معــانا ..
وتفيدي وتستفيدي معانـا ..
وبانتظار مشاركاتـك وابداعاتـك ..
ســعداء بتـواجـدك معانا .. وحيـاك الله بيننا

http://www.mowjeldoha.com/mix-pic/3barat/3barat3/www.mowjeldoha.com-3barat-61.gif

وبالنسبة لما تعانين من قبل دكاترة الجامعة فما أقول لك الله يعينكم فكلنا مررنا بهذه التجربة وتحملناها طالما رغبنا بالحصول على الامتياز والدرجات العالية وطالما حلمنا بأن نكون أخصائيين اجتماعيين مستقبلا فعلينا الصبر وتنفيذ الأوامر والطلبات المطلوبة مننا .. وأنتِ والحمدلله بالنسبة لك الأمور هانت وكلها أشهر وتتخرجين وسيكون ماتعانين منه الآن ماضي وتنسينه ..

فلا تجعلي هذه الأمور مجال للتفكير بل فكري في الانجاز والابداع والتفوق والتميز .. ساعتها ستفرحين يوم تخرجك وأنت مبسوطة وسعيدة حين استلامك لشهادة التخرج وتنسين كل ماذكرتي من هموم ومشاكل وتعذيب من قبل دكاترة الجامعة .. وهذا العمل الذي اجبرتوا على أدائه حتى يجعلوا منكم أخصائيين متميزين عندما تنزلون الميدان في ممارستكم في العمل .. في هذه الفترة بتتذكرين أن الاساتذة على حق في أن الجهود والمطالب الصعبة في نظرك الآن بأنها ماهي إلا تدريب مسبق لكم ومن الواجب أن تتعلموه ..

وأتمنى أني أراك عضوة دائماً في هذا الموقع المتخصص بكم يالأخصائيين الاجتماعيين

أعذريني للإطالة ,,,,

وتقبلي تحياااااااتي

[الريــــــــــم]

مشكورة عيوني على ترحيبك فيني

صدقيني انه انا مبسوطه بالانضمام لهذي الكوكبه العلميه اللتي تفيض بالابداع والعلم واشكر جميع المشرفين على هذا الموقع الرائع فعلا

واشكرك على مرورك ومشاركتي بمشاعرك الطيبه تجاه مانعانيه من بعض دكاترتنا

لكن كان لازم اتكلم وافضفض اللي بقلبي ولا كان



انفجرررررررررررررررررت
:eek: :eek: :eek:

ودمتــــــــــــــــــــــــم,,,,,,,,,,, :D

[وروود]

بسم اله الرحمن الرحيم

انا وحدة متفقة تماما بكل شيْ تطرقتي فية عن الدكاترة الكرام وقبل هذا كلة احب ارحب فيج في المنتدي :) ياالريم :D

وعذريني اني بدات بالكلام عن موضوعك لان بالفعل نحن نعاني بنفس ما تفظلتي وشرحتية واذا كان هذا اخر كورس الك في الجامعة فاني ثاني سنة لي في الجامعة واعاني من ضغوط نفسية كبيرة من تعصب الاساتذة الكرام :(

وبما اني ا درس خدمة اجتماعية ودور الاخصائي الاجتماعي في التعامل مع الافراد والجماعات فسؤال لماذا لا يطبق الاساتذة ما تم دراستة في هذا المجال؟

ونحن من بعدهم نصبح مقتدين بالطريقة التعامل التي سوف نطبقها انشاء الله بعد التخرج والتوظيف
ولا اطول في الكلام الله يوفقك يا الريم في التخرج
وهونية وتهون مثل مايقولون :p

[شروق الجنان]

في البدايةاهلا بك في هذا المنتدى الرائع يا الريم
ةبالنسبة لموضوعك شكري ربك انت بتخلصي أما احنا بعدنا سنة ثانية والمشوااااااااااااااااااااااااااااااار طويل مع الدكاترة ........ ولكن علينا باحترامهم مهما كان
وانا معاك في انة الدكاترة يقولوا شي ويطبقوا شي ثاني بس يمكن هذا بغير إرادتهم والله اعلم ....... المهم انا بعد تعبت من الدكاترة وطلباتهم الكثيرة وامتحانتهم الاى غير شكل خاصة دكاترة علم النفس
ومثل ماقالت ورود هونيها وتهون
أهلا بك مرة ثانية